Assembly session neih mekah ram hruaitute chetla leh ngaihtuahna hrang hrang ngaihthlak a ni chho zel a, a hmuhnawm ti zawnga en tan chuan a hmuhnawm thei viauin a rinawm a, a ngaihnawm zawnga ngaithla thei tan chuan a ngaihnawm chho viau bawk.
Rorel lai party te hi sorkar-na la chelh ngai lo, bill engmah la pharh lote an nih chho nawk avangin felhlel leh han tih fuh tawk loh emaw, han bah chhoh deuh nawk nawk pawh an nei chho dawn niin a lang a, chutihrual erawh chuan an puitling thei viau zel lawi thung.
Kan ram hotu lu chief minister ber hi a la punglung ber emawni chu aw tih theih deuh thaw hian a che leh khut thin zawk a, eptu lama a awm laia a thil kalpui dan anga la chet zel emaw, veilama thu ni tlata inhriatna emaw ang kha a la paih bo lo deuh nite hian a hriat lek lek thung lai erawh hi chu a fel chiah lo deuh thung nia sawi a ni.
A minister te zawkin CM sawi tur niawm zawk tak an han sawi khauh a, a CM ber a buluk ngut thung thin nia lang lai erawh hi chu inenchian a ngai chho viau mai.
Ram hruaitute hi mipui thlan, inthlak thei an ni a, chan tha chan lai a nih avangin engkim mahni kutkawih anga chhuah theih mai tum niawm taka chette hi a fuh lo viauin a lang a, rorelna fel nei turin tan han la sauh sauh zawk mawlh teh se.