Ministry of Defence (MoD) chuan sipaite hman tur ralthuam leh hmanrua a lei leh chahte a hun taka sipai kuta a thlen theih nana hma latu tur committee a din.
Additional Secretary leh Director General (Acquisition) kaihhruai tur committee hi Defence Acquisition Procedure (DAP) 2020-in thil chahte mumal zawka hmuh a nih theih nana siam a ni.
Committee hian mi hrang hrang – sipai, sorkar leh mi mal industry te dawrin ralthuam chah lawkte hun tiama inhlan a nih theih dan tur a dap dawn a ni.
Sipai ralthuam tha bikte hi siam tur leh inleisak tura inbiak fel a nih atanga kum nga, kum sarih velah chauh a tak hmuh theih a ni thin a. Committee hian hei hi tihtawi dan dapin thla ruk chhunga inchin fel dan tur a ngaihtuah dawn a ni.
Ralthuam leh ram venhimna thil kalpui hian chhawng tam tak neiin Acceptance of Necessity (AoN), Request for Information (RFI), Request for Proposal (RFP), leisak tur thlan, a hlut zawng chhut leh a man inbiak remte a tel vek a. DAP chuan hei hi a chhawng kual thuiin hun a duh rei thin em avangin rang zawka tih dan a ngaihtuah a ni.
Ralthuam lei leh siam chhung rei lutuk hi army, navy leh air force tan buaina a tling a, a bikin hmun pawimawh leh khirh zual, ramri hmar leh khawthlang lamah mamawh thuai thuai a ni zual thin.
Union Budget 2025-26-ah MoD tan hian Rs. vaibelchhe 6,81,000 dah niin heng zinga Rs vaibelchhe 1,80,000 (26.43%) chu ralthuam lei leh siam nana tih a ni.