Aizawl: Chapchar Kût puala thla la thiam mi 67 leh lem ziak thiam 120-te kutchhuak chu lei theih turin Vana Pa Hall-ah pho chhuah mek a ni.
Kût puala Art & Photo Exhibition chu Thawhlehni atang khan mipui tlawh theiha hawn a ni a, Zirtawpni thleng a awh ang.
Vanapa Hall-a kumin exhibition buatsaih hi I&PR Secretary Betsy Zothanpari Sailo-in a hawng a. Mizoram Art Development Society (MADS) member 67 leh Mizo Photograpers’ Society (MPS) member-te kutchhuak 120 phochhuah a ni a. A duh apiang tan lei theih a ni.
A hawnnaah hian kût puala photo competition leh reels making competition-a lawmman dawngtute puangin lawmman hlan nghal an ni.