Aizawl: South Tuipui bialtu MLA Jeje Lalpekhlua chuan Inrinni khan Hnahthial atanga Tuichang panna tur, ‘Nghavarh Link Road’ laih mek leh MLA Fund hmanga hnathawh thenkhat a tlawh.
Jeje Lalpekhlua chuan Mizoram sorkarin kuthnathawka ei zawngte a ngaih pawimawh vangin he kawng pawh hi lai tura hma la an nih thu a sawi a. Tuichang lui behchhana eizawngten awlsam zawka an thlai thar chhuahte an lak chhuah theihna atan bakah Tuichang tiau leh balu lakna atan a tangkai hle dawn tih sawiin, hnathawktute chu tha taka thawk turin a chah.
Jeje Lalpekhlua chuan MLA Fund hmanga Model venga kawng, PCC paving hnathawh mek chu a tlawh nghal.
He hunah hian bialtu MLA hi Hnahthial South-I village council member-ten an tawiawm a ni.