Aizawl: March 8, 2025-a Delhi-a Women Entrepreneurship Summit 2025 lawmnaah hmeichhe hlawhtling award chawimawina sang ‘Lifetime Achievement Award’ chu Meriam L Hrangchal hnenah hlan a ni.
Awards dawngtute hi kawng hrang hranga hmeichhiate chawikanga, leirem rap tur a hmalatu hmeichhia hruaitu tha te an ni.
Women Entrepreneurship Summit 2025 hi Confederation Of All India Traders (CAIT) leh Association Of Direct Selling Entities Of India (ADSEI) te buatsaih a ni.
Meriam L Hrangchal hi Vestige Marketing Pvt Ltd hnuaiah kum 2014 atang khan bul tanin, tun dinhmunah Vestige Millionair Council member niin North East-ah hetiang member ni thei hmasa ber leh awm chhun a ni a. Tunah hian a kaihhruaina hnuaiah member 1,80,000 vel awmin, mi harsa zawk ten leirem rap ve thei turin theihtawp a chhuah zarah thla tin khelloin a hnuaia mi ten hlawh an la mek.
Vestige Company atang hian mi 50 chuangin motor an dawng tawh a, chung zingah chuan Meriam L Hrangchal hian foreign car BWM leh a team atangin Audi la tawh an awm.
Meriam L Hrangchal hi a pa chu Lalhmingthanga (L), Ex Minister a ni a. MLA inthlan hnuhnung ber khan Lunglei South bialah Congress party candidate a ni bawk.