Aizawl: Bawngkawn Durtlang road chhak muala kangmei chu mi tlawmngai thawk chhuakte leh Fire department lamin hun eng emaw chen an thelh hnuah, khaw thim hma deuh khan thelh mih a ni. Kangmei tichhuaktu nia puh mi pakhat man nghal a ni bawk.
Pathianni chawhnu khan Bawngkawn Durtlang road, Shalom veng peng/LT Colony chhaka Siama huan thlang chu nasa takin a kang a. A mual mual a kan avangin thelh mih mai theih a ni lawk loh hnuah, mi tlawmngai thawk chhuakten chawhnu dar 3 khan an thelh mit thei hram.
Hemi hnuah C. Tlanghmingthanga (L) te kawmchhak chu a mit tawh emaw tih hnuah nasa taka kang lehin theih ang tawkin mi tlawmngai thawk chhuakte leh Fire Dept zarah khaw thim hma deuh khan thelh mih a ni ta chauh a ni.
Kangmei chhuah chhan hi mipa pakhatin aluminium lam thil hal a tumna lamah a ni a. A haltu nia puh man nghal niin police-ah hlan nghal a ni. Amah hi damdawi khawih thin nia hriat a ni.