Aizawl: Moriah Association for the Blind-a Board Member leh zirtirtu ten nimin khan tuna IPRO hna chelh mek, N. Vahneichhi, MIS chu pisa-ah lawmpuina an hlan.
Mitdel N Vahneichhi hi kum 2005 khan Moriah Blind School chuan, kum 5 mi lek niin an enkawl tan a ni.
Lamwpuina hun hi an chairman Dr H Lallenmawia’n a kaihruaiin, a fapa mitdel ve tho a nih avanga mitdelte tana mi thahnemngaite nena kum 2003-a Pathian rawngbawlna a nihzia hriain, Mizorama mit khaw hmu lote chawikanna a tulzia hriatna nasa tak avanga Moriah Blind School din an nih thu a sawi.
Founder Vice Chairman PB Sangthanga pawhin thusawiin, a mah ngei pawh a naupan lai atanga mitdel a nih thu te, Phuaibuang atanga chhungkaw harsa tak ni chungin Kolasib Mitdel School-a kal chhuak a nih thute, tunah PHE Dept-ah hna tha tak thawkin mitdel-te welfare atan tihtheih ang angte tih a duh thin avanga Moriah Blind School din an nih thu a sawi.
Lawmpuina thuziak hi Treasurer Lalremsangi Fanai-in a hlan a. Zirtirtu aiawhin Lalhumhima leh Vavana, MIS te pawhin thu an sawi.