Kohhran Upa ve ve an nia!

• Dr. C. Lalrampana

A KAMKÊUNA

Mizoram hian kum 1972 leh 1987 inkar khan union territory budget session vawi 7 a nei a. Hetih hun lai hian Union Territory kan ni. Mizoram Legislative Assembly session hmasa ber chu May 10, 1972 khan neih a ni a, hei hi UT-a legislative body intanna a ni. Mizoram State Assembly chuan kum 1987-a din a nih a?ang khan budget session hi a vaiin vawi 33 a nei tawh. Mizoram State budget hmasa ber pharhtu chu Pu Laldenga (MNF Ministry) kha a ni. Khatih laia Mizoram State budget kha ?. 229.36 vbc chauh a la ni.

TUN TUMA MI HI?

Tuna Budget Session neih mek hi 9th. Mizoram State Assembly Budget Session vawi 2-na a ni. Budget session hi February 19, 2025 atanga March ni 20, 2025 thleng neih tura ruahman a ni. ZPM Ministry-in budget tum hnih a pharh vena a ni ta der mai! Nikum 2024-25 khan kan state budget kha ?. 14412.12 vbc niin kum hmasa ai khan 1.42-in a pung a. Kumin 2025-26 hian budget hi ?. 15198.76 vbc niin nikum aia a punna chu 5.45 a ni. Tunhma zawng ai khan Mizo mipuite hian Assembly Session hi kan thlir nasa tawh a, Hriat theih hnuhnung ber atanga a lan danin, February 19 atanga March 18, 2025 thleng khan mi nuai 1,23,456-in Mizoram Legislative Assembly official YouTube channel-ah an thlir a. Mi 50,000-in Mizoram Legislative Assembly official Facebook page-ah &
Mi 20,000-in Tualchhung chanchinbu channel leh online streaming platform hrang hrangah an thlir bawk. He chhut chhinna hi a dik ber tihna a ni lova, a figure thar ber berte pawh a tel lo thei tih hriat a tha e. Tunhma zawng aiin Mizo mipuite hian Assembly session hi kan hlut thiam tawh hle a, hmasawnna ropui tak pakhat chu a ni.

EPTU HRUAITUTE

Kum 1972 atanga Mizoram Legislative Assembly-a eptu hruaitu hriat chhunte tarlang ila. Tuna Mizoram Legislative Assembly-a eptu pawl hruaitu chu Pu Lalchhandama Ralte, PCI Kohhran Upa a ni a, December 5, 2023 khan office a luah tan. A hma hian eptu pawl hruaitu hlui hriat theihte chu: Kum 1984 khan Brig. T. Sailo chu eptu pawl hruaitu a ni a, Pu Hawla chu 1979 khan eptu hruaitu a ni. Pu Lalhmingthanga 1999-2003 khan eptu hruaitu a ni tawh a, Pu Lalduhawma pawh 2018 khan eptu hruaitu a lo ni tawh bawk. State Assembly-a eptu pawl hruaitu hian entitlement engemawzat a nei. An dinhmun hi cabinet minister tlukpui a ni. Hei hian hengte hi a huam tel:

1. Salary & Allowances: Cabinet Minister-in a hmuh ang chiah, hlawh, allowances, leh pension of Members of Parliament Act, 1954 2-a tarlan angin a dawng.
2. Facility dang: Cabinet Minister-a tih ang chiah pek a ni.
3. Order of Precedence: No. 7-a awm, Union Cabinet Minister nen an inang.
4. Thuthmun: Opposition lam front bench-ah a thu a, Chief Minister leh rorel lai party member-te lam hawiin direct-in a awm.
5. Ceremonial Privileges: Speaker-elect chu rostrum-ah a hruai a, Governor-in Assembly a address laiin front-row seat a nei bawk.

LOP MAWHPHURHNA

State Assembly-a Opposition (LOP) hruaitu chuan a hnuaia hna leh mawhphurhnate a nei.

1. Chief critic of government: Ruling party policy leh thiltih sawiselna tha tak a pe thin ang.
2. Opposition Coordination: Assembly-a eptu party-te kaihruai leh thawhpui thiam.
3. Debate leh Sawihona: Bill leh motion pawimawh tak taka inhnialna leh sawihonaah a tel thin ang.
4. Alternative Policies: Sorkarin a rawt ang chi policy leh solution dang a tarlang ang.
5. Sawrkar chu a thiltih, a policy leh thutlukna siamah a mawhpuh ang.
6. Eptu pawlte aiawhtu: Assembly-a eptu party-te aiawhin a ngaihdan leh duhdan a sawi chhuak ang.
7. Sorkar Bills-te Scrutinizing: Sawrkar bill-te chu a enfiah a, tlin lohnate a hriatchhuah chuan, hmasawnna tur a rawt ang.
8. Motions & Resolutions: Thil pawimawh tak takte ngaihven hlawh turin motion leh resolution te a siam ang.
9. Zawhna Darkar: Zawhna hunah a tel ang a, Sawrkar chu zawhna a zawt thin ang.
10. Party Discipline: Opposition MLA zingah party discipline a vawng reng ang, party dinhmun zawm a nih theih nan a enkawl ang.
11. Media Inpawhna: Opposition ngaihdan leh policy-te inhrilhhriatna atan media-te nen an inpawhtawn ang.
12. Public Engagement: Mipui nena inzawmna nei, an ngaihtuahna leh lungawilohna ngaihthlak sak.
13. Shadow Cabinet: A hruai thei .

HOUSE LEADER VE THUNG?

House leader, CM House hruaitu tia hriat bawk chuan state legislative assembly-ah a hnuaia mite hi a mawhphurhna a ni.

Thupuangtu: Assembly-a ruling party emaw, pawl emaw aiawhtu a ni.

2. Floor Management: House rorel a enkawl a, thubuai kalpui dan mumal tak a awm theih nan a enkawl ang.
3. Legislative Agenda: Dan siamte dah pawimawh leh ruahman dan tur minister leh MLA-te nen inremna siam.
4. Inhnial & Sawihona: Bill leh motion pawimawh tak tak chungchanga inhnialna leh sawihona a kaihruai ang.
5. Sawrkar Bills: Assembly kaltlangin sorkar bill-a kaihruaitu a ni, an pass theihna turin a tichiang ang.
6. Eptu pawlte nena inremna siam: Eptu hruaitu leh member-te nen inremna siam emaw, thil pawimawh tak tak chungchanga inremna siam chu a mawh a ni.
7. Assembly proceedings: Assembly proceedings kalpui dan, order leh decorum enkawl.
8. Business Advisory Committee: Business Advisory Committee-a chair emaw, tel emaw, Assembly agenda ruahmantu a ni.
9. Speaker nena inbiak pawhna: Assembly chu a taka a kal theih nan speaker nen an thawk dun ang.
10. Party Discipline: Party discipline a vawng reng a, MLA-te’n thil pawimawh tak takah party dinhmun an zawm theih nan a enkawl ang.

AN CHEMAWI EM?

Tun tum ministry chuan “Ram rorelnaah Pathian ram lo thleng rawh se” tih thu hi an bilh tel a. A langah chuan a that hmel hle. Mahse, rorelna inah Pathian a awm ta lo emaw tih mai turin House Leader leh eptu pawl hruaitute hi kohhran thuhmun. Kohhran upa ve ve ni mah se, keipui koham leh uipui riltam koham ang maiin an thinchhe dun ta viau em ni le? MLA-ho lah chuti bawk. Session tantirh atanga a tawp thlengin session apiangin an inbauhtawn luai luai reng mai niin a lang. LOP leh HL-te lah member-te tan entawn tlak ni hek suh; member-te lah inbakkaih peihsa at rengin an awm niin a lang bawk si! An che mawi lem lo hlawm hle niin a lang.

A TLÃNGKAWMNA

Kan ram rorelna in sang bera kan ram hruaitute han invaivung leh insaipuk chetla vel han hmuh hi chuan “Ram rorelnaah Pathian ram lo thleng rawh se” tih chu a takin a hla hle mai. A ding apiangin “He House zahawm tak hi; Pu speaker zahawm tak; member zahawm tak, LOP zahawm tak, HL zahawm tak an tikur dup a, tuman House leh anmahni pawh a takin an zahin an inzahtawn der si lo. Hetiang hi chuan Zoram mipuite hian entawn tlak kan nei dawn em ni? Nitin House chhungah an inbakkaih lo chauh reng chu a nih hi? Thlirtu mipuite lah hian an thu khel leh thu inchuh lam hriat tum lovin a tawng ring ring, inhnial thiam thiam an tan emaw ni? An chetsawlhna lai leh mawilohna lai apiang fawmkhawmin an react kur zut a, hlawkpui aiin nuihza siam nan kan hmang kual vel mai mai a, hetiang zela kan kal chuan kan ram hian din chhuah tih hun a nei dawn em ni? Leader of Opposition Party (LOP) leh CM House Leader-te hi Kohhran Upa ni lai ve ve an ni a; Assembly House-ah erawh ui leh kel thlun pawlh an ang thei viau niin a lang. Chutiang zelin Member-ho zingah pawh Kohhran Upa an awm nual. Chuvangin, kan ram roreltute hi inenfiah mawlh teh se.