BLACKPINK member Lisa chuan hlawhtlinna innghahna chu mahni inrintawkna a ni, a ti.
Hetah hian duhtâwk mai lovin, “Mi hipna ngah i duh chuan, nangmah pawh khan hipna i nei tha hle tih rin ngamna i nei tur a ni a, chumi atan pawhin rilru leh taksa buatsaih that a ngai hle,” a ti bawk.
Kum 28 mi hian ‘Law of Attraction’ a pawimawh dan a sawi bawk a, i nih tum leh thlen tuma i chian a, chumi dinhmun i thlen hunah chuan mahni inrintawkna hi a nasa lehzual dawn a, chu chuan hmasawn zelna tur atan step pawimawh a siam thei.
“He kalphung hi khawvela milar Oprah Winfrey, Lady Gaga, Wil Smith leh midangte pawhin a takin an hmang tangkai hle niin, Lisa hian a sawi a ni.
Lisa hi Pranpriya Manoban hmingpu in March 27, 1997 khan Buriram, Thailand-ah khawvel eng a hmu tan a, a naupan lai hian Lalisa tiin hming a thlak. A nu hi Thai niin, a pa hrawn Swiss mi, Chef lar tak Marco Bruschweller te’n an enkawl seilian.
Kum 13 mi lek a nihin South Korean record label YG Entertainment tan auditon a nei. Big Bang leh 2NE1 lar vanglai niin, ani pawh hian a ngaisangin, South Korean pop industry-a hming chher tumin a bei.
Kum 2011 khan South Korea-ah a pem lut a, kum 5 training a neih hnu-ah 2016 khan BlackPink member zing-ah telin, rimawi khawvel an al chho ta a ni.
Lisa hi tawng thiam lamah talent a nei tha a; Thai, English, Korean bakah Japanese leh Chinese a ti thei vek.