Nu ho ina nikhata hun thawpik thlak bera an ngaih chu tlai dar 5:55 hi a ni. Zirchianna atanga a lan danin, Nu zatve thuak hian nikhata eng hun berah emaw chuan thinrim insum harsa an tih em em hi a awm ziah.
Hripui in khawvel a tuam buai hmâ khan tlai dar 5:55 hi Nu, maktaduai tam takina eirawng an bawl sawk sawk hun vanglai a ni a, office atanga an haw-in emaw naupangte sikul-a an va hruai hnu-a Choka-ah an inbarhluh tak tak hun anih thin vang a ni.
Hun tawt ber pahnihnaah hian zan dar 7:15 a awm a, intihfai hun a ni a. Pathumna erawh naupang ho mut hun, 8:45 hi a ni. Zing dar 8:20 vela sikul kal tura fate an nawr vut vut lai hi palinaaha awm a.
Heng hun hrang hrangte hi Nu ber tan a luhai thlak lutuk a, thinchhiat zualpuiin lal a hrawt hun a ni miau mai bawk si a, Nu te hi an teu hlur tawh thin.
Betterbathrooms.com hotupa Pete Robertshaw chuan zirchianna a neih-ah hian, “Hna leh chhungkaw enkawl ngai dinhmuna ding thin nute hian rilruhah leh thawpikna hun an nghah zia hi hmuh hmaih rual a ni lo a tih a lo lang a. Chutih laia, chaw ei hun lai vel hi hun chhe ber a ni lehzela hi thil mak tak a ni,” a ti.
“Mipakhat ei tur siam ringawt pawh a hautak em em laia, chawhmeh chi hrang hrang siam ngai, a hun takah zawh ngai, naupang sikul hmuah leh lehkhazir pui ngai, a tam lutuk.
“Heng atangte hian Nu dinhmun hahthlak leh thawven thlak loh zia chiang takin a lo lang,” a ti.
Hetih laia mangan thlak em em dang leha chu- Nu zat ve thuakte hian ei tur an siamte hi an fate’n an ei tha duh lova, an thil pek te hi an paih loh paw’n, an sawibuai zut zut thin a, naupangte hian an ei duh lova, an thil pek te hi an paih loh paw’n, an sawi buai zut zut thin niin, an sawi!