Aizawl: Kolasib district-a Buhchangphai bul, Zukbual leilet zaua leilet pakhat enkawltu, Khalil Uddin Barbhuiya (40) chuan Zirtawpni khan a nupui, Hassan Begum Barbhuiya (35) chu chempuiin a hrawkah a zai a, a hmunah a thi nghal.
Tualthattua puh hi tlan boin he thu buatsaih lai thleng hian man tuma zawn mek a ni a, Vairengte Police Station-ah thubuai ziah luh a ni.
Thudawn danin March 25, 2025 khan Hassan Begum Barbhuiya hi a pasal remtihnain an khua, Katlicherra, Hailakandi District, Assam-ah a chhungte tlawh tur angin a zin a, a ngaihzawng nia hriat nen an tlan dun a, hemi chanchin a hriat hian a pasal leh a pasala thiante chuan an zawng nghal a, an zawn hmuh hnuin an chenna inah hruai hawin, he thil hi a thleng a ni.
Hassan Begum Barbhuiya ruang hi Inrinni khan Kolasib District Hospital-ah post mortem a nih hnuin a chhungte hnenah hlan a ni.