- Dr. C. Lalrampana
A KAMKÊUNA
Mihring taksa hian tlakchham a neih chuan a tlakchham azirin pawn lamah a takin a lo lang chhuak thin. A taksa mamawh puitu vitamin a tlâk chham chuan chauhna, chaklohna, vun natna, mit chak lo leh natna dolettu a tlachham thin. A inenkawl vat loh chuan thihna hial a thlen thin. Kan hring nun leh miziaah pawh hian tlakchham kan neih chuan harsatna tam tak kan tawk thin.
ENG NGE KAN TLÂK CHHAM CHU?
United Nations chuan ram 196 vel mi leh sa (member) a nei a Khawvel puma hnam awm zat dik tak hriat a harsa a, mahse, ?awng 2,500 vêl a awm nia ngaih a ni a, Khawvela hnam hrang hrang awm zat hi sawifiah danah a innghat a, mahse ngaihruat (estimate) dan chuan 10,900 – 24,000 vel a ni. Heng zingah hian khawvela mi fel ber, rinawm ber leh taima ber tunge tih hriat harsa tak a ni ang. Mimal ngaihdan leh nunphung boruak a zirin a danglam thei hle ang. Mahse mize lantirtu mimal langsar tak takte Malala Yousafzai: ??Hmeichhe zirna atana Pakistan activist leh Nobel Prize laureate naupang ber, mihring dikna chanvo humhim tura a huaisenna leh a hmalakna avanga hriat hlawh te, Nelson Mandela, South African anti-Apartheid revolutionary leh politician, hnam hrang hrang inthlauhna leh dikna atana beitu te, Dalai Lama Tibetan Buddhism thlarau lam hruaitu, remna, lainatna leh tharum thawhna tel lo tura thuchah thintu te, Arjuna (Hindu Mythology), Hindu indo mi, a thiante, chhungte leh mawhphurhnate chunga rinawmna nghet tak lantir thei te, Penelope (Greek thawnthu) Odysseus-a nupui hriat lar tak te, tharum thawh lova zalenna sual chhuaktu Gandhiji te leh mi rinawm ber Ruthi Bible-a mi, a pi, Naomi leh Pathian a rinna avanga a rinawmna leh a inpekna avanga hriat lar takte pawh hian famkim lohna leh tlâk chham chu an nei vek tho a ni. Mizote hi hnam tlem te, hnam naupang tak ni mah ila thiamna, finna, remhriatna leh taimakna kawngah kan duai lo hle. Mahse, mizote hian thil.pawimawh tak tak pathum tlâkchham kan nei a, chungte chu tlem tarlang ila.
Dikna: Dikna (Righteousness) hian thil pawimawh tak tak:
rinawmna (Integrity),
langtlang, leh thusawi leh thiltih dan inmila lantir; Khawngaihna (compassion) felna chuan mi dangte, a bik takin mamawh emaw, tihhmingchhiat emawte chunga lainatna, ngilneihna lantir a huam a ni. Accountability: Mi fel tak chuan a thiltih danah mawhphurhna a la ngam a, thil dik lo an tih chuan a pawm a, siamthat a tum bawk thin. Hetiang diknain a ken telte hi kan tlachham hle a ni.
Rinawmna: Rinawmna (Loyalty) hian eng thlemna pawh hmachhawn ila mi a tidanglam thei lo. Mahni tan ringawt ni lo, mahni ram leh hnam tana rinawm taka tihdanglam mai mai theih loha din ngheh tlatna hi rinawmna (loyalty) chu a ni. Rinawmna hi kan tlachham hle. Thil dik lo tak pawh ni se, mimala hlawkna kan neih dawn emaw, kan hmuh dawn phawt chuan timna nei hauh lovin engkim hi kan ham bawrh bawrh ni berin a lang. “A dik apiang te, a zahawm apiang te, a fel apiang te, a thianghlim apiang te, a duhawm apiang te, a thangmawi apiangte thatna reng a awm a, fakna reng a awm phawt chuan chung chu ngaihtuah rawh u” tih thu pawh kan chhiarin kan sawi chamchi thin. Mahse, a takin kan nunpui hauh lo.
Taimakna: Taimakna (diligence) hi thawhrimna leh mahnia inhaivenna leh zawn chhuahnaah a innghat tlat a, a fimkhur a, a mawhphurhna a hlen chuan zahawmna chungchanga thil pawimawh thenkhat fimkhur leh mumal taka thawhrimna emaw hnathawh dan mumal tak lantir hi a tum ber chu a ni. Hei hian ziarang(Persistence) a keng tel a, mimal taima tak chuan a thawhrimna a chhunzawm zel a, harsatna a tawh pawhin a zam lo. Hnathawhnaah a uluk a, dikna leh quality a ngaipawimawh thin a ni. Mi taima tak chuan a hnathawh leh mawhphurhnaahte neitu nihna a nei a, a thiltih leh a rah chhuah tur a ngaihtuah thin. A hun hman dan tur a chiang hle a, hna chu a dah pawimawh ber a, a zawh fel theih nan hun remchang a siam bawk thin.
Mi taima chuan mahni inthunun theihna a nei a, a thil tum tihhlawhtlin nan a nungchang leh a tih dan tur a hrechiang hle thin. Hetiang taimakna dik hi mizote hian kan tlachham hle thin. A letleh ringawt beiseia taimakna erawh kan hre var thin.
A TLÂNGKAWMNA
Kan ram mipui leh ram hruaitu, puithiam leh mi hausa tute mai pawh hian dikna (Righteousness), rinawmna (loyalty) leh taimakna (diligence), hlawhtlinna bulpui pathumte hi kan tlachham hle a; a bik takin dikna leh rinawmna phei hi chu kawng tinrengah kan tlachham lehzual hle. A pathumna taimakna erawh hi chu a letleh turin azir phei chuan kan tlachham lutuk lem lo. Mahse, a letleh tur ringawt beiseia taimakna hi taimakna dik a ni thei lo. Taimakna dik tak chuan a letleh beiseina ringawt a thlir lova, channa, beidawna, lungngaihna leh hlawhchhamna neih chang pawh a nei fo thin. Mahse, a tawpah hlawhtlinna a hmu a, a ding chhuak nge nge thin a ni. Kan Zoram Hruaitute hian atir atanga ltun thleng hian heng thil pawimawh pathum: Dikna, Rinawmna leh Taimakna (DRT)-te hi an tlakchham fo thin avangin kan ram hian dinchhuah tih reng a nei thei lo a ni. Kohhranah meuh pawh puithiam rual leh kohhran puipate hian DRT hi an tlakchham avangin kohhran mipuite pawh chawhpawlh leh chawhchawrawi nun lipuiah kan tlapil mek a nih hi! Eizawnna kawng hrang hrang, sumdawnna, sawrkar hna, political party leh pathian rawngbawlna thlengin kan zavai hian hnam damna leh din khawchhuahna damdawi rintlak leh khawlvel ram grang hrang pawhin hlawhtling taka an hman thin DRT hi kan tlakchham avangin kan ramah a symtom-hlemhletna, eirukna, aikal lak, ruihlo ngawl vei, ruihhlo tawlhruk, smuggling, hausak thutna, inchhawngsang sak, ralthuam hlauhawm tawlhruk, inhmun lo ram leh chawhhmeh thlai ilo Bazar thil, dawr thil man to uchuak lutuk takte a lo langchhuak mek a, ram pumpuiin kan tuar mek a nih hi! Chuvangin, Zoram nula tlangval thalai rualte u, harh ula tang rawh u; kan zoram hi chhan chhuah theih a la ni e.