Italy a champion lai Inter Milan chuan Serie A table chung ber a kir theihna hun an hloh a. Pathianni zanah Sassuolo lakah 2-0 a an tlawm avangin pahnihnaah an la awm.
San Siro-ah Inter Milan hian minute 8-naah goal an chhuah a. Sassuolo striker Giacomo Raspadori chuan an goal hmasa a khung.
Minute 26-naah an striker dang Gianluca Scamacca hun a thleng ve a, vengtu nei lova awmin an goal hnihna a tauh lut.
First half-ah Inter Milan tlarhnung an pherh hle a. Domenico Berardi chuan Sassuolo goal thumna khung belh teuh hle in crossbar a tih per.
Second half-ah Inter an insiam\ha a, Sassuolo goalkeeper Andrea Consigli chuan hna a ngah sawt a, mahse goal erawh an khung thei lo. Lehlamah Sassuolo in huntawp dawnah goal khungna hun\ha an hloh nual bawk.
Inter coach Simone Inzaghi chuan, “Kan inkhelh dan khan ka thin a ti ur hle. Nilaini hnuah ni thum inbuatsaihna kan nei a, Juventus leh Milan te an muala hneh tawh an nih thu pawh kan sawi. Kan fimkhur a ngai tih kan hre sa.”
“Second half-ah theihtawp kan chhuah a, chance tam tak kan nei a kan vanduai \hin. Mahse hei hian kan khel\ha lova, inkhel kan hmachhawn dan a \ha tawk lo tih a hliahkhuh thei lo. Ngun takin kan thlirlet anga, game 13 kan hmabak la awmah hmalam pan kan tum dawn.” a ti.