Pathianni zan Bundesliga ah team lian pathum an inhrosa a. An khingpuite \heuh an hneh zanah goal 16 an khung.
Borussia Dortmund in an mikhual Borussia Monchengladbach 6-0 in an sawp a. An captain Marco Reus chu a club hlui laka goal an khung tur goal nga ah a inrawlh.
Westfalenstadion-ah Reus-a’n minute 26-na leh 81-naah goal a khung a. Huntawp dawnah hattrick siam theihna hun neiin Marius Wolf penalty hlawhchhuah chu Emre Can a pet tir.
Donyell Malen, Wolf leh Youssoufa Moukoko te goal khung tur a siamsak vek bawk a. Gladbach tan Jonas Hofmann chuan goal ban leh crossbar a pet per ve bawk.
Champion lai Bayern Munich in table mawngphah a awm SpVgg Greuther Furth 4-1 in an sawp ve bawk a. Striker Robert Lewandowsi chuan goal hnih a khuung.
Allianz Arena-ah Branimir Hrgota freekick dan pial a\angin Furth lamin goal khung hmasa mahse Lewandowski goal hnih bakah Sebastian Griesbeck own goal leh Eric Maxim Choupo-Moting te goal khung hmangin an chhanglet.
Polish striker hian league match 23 a\angin goal 28 a khung tawh.
RB Leipzig in Hertha Berlin tlawhin 6-1 in hnehna an chang a. An midfielder ngaihven hlawh Christopher Nkunku chuan goal hnih a khung a. Benjamin Henrichs, Dani Olmo, Amadou Haidara leh Yussuf Poulsen ten goal dang an khung a. Hertha tan Stevan Jovetic chuan goal khat a khung ve bawk a. An centre-back Marc-Oliver Kempf chuan red card a hmu bawk.