Aizawl: Chief Minister Lalduhoma chuan sorkar department hnuaia enkawl hmun thenkhat luah tlak loha awm thin avangin mi mal enkawlna hnuaia awm chu a tul chang a awm tih a sawi.
Nimin khan chief minister Lalduhoma hian ZX Eden Tamdil Lake Resort a hawngin, Tamdil chu Mizoram dil neih zinga hmingthang ber pawl a nih thu leh department pathum – fisheries, forest leh tourism hnuaia enkawl niin, Tamdil Management Committee chu DC kaihruaina hnuaiah din a nih thu a sawi a. He resort hian hma a sawn zawk theih nan mi mal enkawl tura hawh tir a nih thu a sawi.
ZX Eden |amdil Lake Resort hawnna hun hi R. Lalrodingi, Director, Tourism dept in a kaihruai a. Assembly Speaker Lalbiakzama, Tourism Minister Lalnghinglova leh Fisheries Minister Lalthansanga te bakah Resort neitu Ronghilhloi pawhin thu a sawi.
July, 2023 atang khan Tourism privatisation scheme hnuaiah Tamdil Lake Resort hi kum 15 chhung an enkawl dawn a ni.