Justin leh Hailey Bieber te inkawpna chuan nghawng na tak a nei a, dawt thuthang leh an nupa inzawmna tihchhiat tum pawl an awm reng avangin Justin phei hi chuan a hriselna lamah nasa tak a tawrh phah thu a nupui Hailey chuan a sawi.
Tun hnaia an kawmna pakhatah Hailey Bieber chuan he thil hi sawichhuakin, Justin chu mihlim thei tak, engkim a tha zawnga thlir leh ngaihtuah mi a nih thu sawiin, an thu pawh a inhmuin, nupa inrem tak an nih thu a sawi a, pawn lama mi tam takin an duh ang anga an sawi ang hi chu an nih loh thu a sawi tel.
An nupa hian an kalna zawn lamah in support tawn thain, an inngeih hle thu a sawichhuak a, engkim an sawi dun thin thu leh an duh loh zawng chu tih loh mai thlenga an sawi dun thin hi Hailey hian a sawi bawk.
Thutlukna ka siam a, a nemngheh nan min lo pawmpui thei mai thin, thinrimna kan neih chuan pakhat zawkin ngawih kan chuh mai a, a hnuah kan inrem leh thuai mai zel bawk. Mi tam takin an duh ang anga media hmaa min sawisel bawng bawng ang hi kan ni lo, kan nun hi a hlim a, kan naute tan theihtawp kan chhuah a, chhungkaw hlim tak leh lungrual tak din chhoh zel kan tum bawk, tiin Jack Blues Bieber nu ni bawk chuan a sawi.