Aizawl: Christian Hospital, Serkawn in Mizoram Universal health Care Scheme (MUHCS) zawm dawn.
Christian Hospital Serkawnin Mizoram Universal Health Care Scheme (MUHCS) zawm leh zawm loh chungah Hospital Management Committee in Committee sang zawka thlen tura, a rel bawhzuina kal zelah April 22, 2025, chawhnu dar 2 khan BCM Headquarters Office, Committee Room No.1-ah BCM Puipate, Medical & Health Director, Senior Doctor-te leh Mizoram Health Care hotute chu MUHCS chung chang sawi hovin an thukhawm.
Thutkhawmah hian MUHCS chungchanga hriat tur pawimawh hrang hrangte sawiho a nih bakah, harsatna awm thei hrang hrangte, mipui tana hamthatna awm thei hrang hrangte sawiho a ni bawk. Hriatchian loh leh hriat belh ngai angte pawh zawhna leh chhanna hun awmin, Mizoram Health Care lam atanga telte hian an chhang a ni.
Meeting chuan Committee sang zawkah BCM-in MUHCS hi a zawm dawn leh zawm dawn loh thlen nise a lo tih chu nimin chawhma dar 11 khan BCM Headquarters Meeting room No 1-a BCM Administrative Committee thukhawm chuan, MUHCS hi zawm ni se, he mi lo bawh zuia hma la tur hian Hospital Management Committee kuta awm se tiin a rel a ni.