Kum 60 mi a ni tawh avangin tuma’n action film siampui turin an sawm duh lo, niin Shah Rukh Khan-a’n a sawi.
Romantic film hmuhnawm leh lungkuai tak tak siam a, ‘Romance King of Hindi Cinema’ tia kum tam hriatlar SRK chuan a tuina ber chu action film ni mah se, tuma’n heti ang lam film siampuiah an sawm lova, an duh lo, vawiin thlengin a chang dawn ta lo niin a lang, a ti.
“Action film hi ka la siam ngai lo. Love story tha tak tak ka siam tawh a, social drama chenin a tam mai. Misualah pawh ka tang tawh a, mahse action film-ah tuma’n min la ruai lova, sawmtu ka la nei lo.
“Kum 60 mi ka ni tawh a, kum sawm lo la awm turah hian action film siam ka chak khawp mai. Mission Impossible film ang te kha ka siam chak zawng tak a ni a, action film pui tak hi ka la tuipui em em reng mai,” tiin an kawmna pakhatah SRK hian a sawi a ni.