Aizawl: Salvation Army, India Eastern Territory Champions of the Mission session 2023–25-ah Pathianni khan thianghlimna inkhawmah Salvation Army officer atan cadet ordination leh commission service an nei.
Inkhawm hi Aizawl Temple Corps-ah buatsaih niin Liuetenant Colonel Prakash Chandra Pradhan, Chief Secretary-in a kaihruai a, Colonel Lalhmingliana, Territorial Commander chuan Cadet 17-te chu officer atan nemnghehna leh tirhchhuahna (ordination & commission) neiin Lieutenant rank pek nghal an ni.
Ordination and Commissioning programme kaihhnawihah hian ni li chhung program hrang hrang buatsaih a ni a. April 24 khan Officer Training College, Chapel-ah Covenant Service hun hman a ni a, Cadet ten thutiam lain an hming an ziak a. April 26 zan inkhawm chu Service of Praise-a hman a ni a, training chhunga kawng hrang hranga tithate hnenah Award hlanna Colonel Lalhlimpuii, TPWM chuan a nei bawk.
Order of the Silver Star Fellowship chu Pathianni chawhnu khan Booth Mansion Conference centre-ah Officer Commission thar nu leh pa te hnenah Silver star hlanna inkhawm neih a ni bawk. Appointment Service chu Pathianni zan, Chhandamna inkhawmah neih niin, Lt.Colonel Lalramliana Hnamte, Personnel Secretary chuan inkhawm hi kaihruaiin, Lieutenants tharte appointment puan a ni nghal bawk.