Aizawl: National Commission for Scheduled Tribes (NCST) hotute chuan Mizoram an cham chhunga an thil hmuhte leh zirchianna bakah hmasawn nana tul nia an hriatte Mizoram Larsap General Vijay Kumar Singh hnenah an thlen.
Nimin khan Scheduled Tribe-te hmasawnna tur leh an dinhmun chawisan kawnga hmalakna hrang hrangte zirchianga Mizoram tlawhtu, NCST hotute – Chairman Antar Singh Arya, member dang Nirupam Chakma, Dr. Asha Lakra, Jatothu Hussain leh anmahni tawiawmtu official-te chuan nimin khan Mizoram larsap hi Raj Bhavan-ah an kawm.
He hunah hian larsap chuan Scheduled Tribe dinhmun zirchianga Mizoram rawn tlawhtu NCST-te hmalakna lawmawm a tih thu sawiin, Mizoram chu Scheduled Tribe deuh vek chenna state a nih avangin Scheduled Tribe tana hmasawnna leh hamthatna awm theite tha taka kalpui a nih theih nana tan lak a pawimawh thu a sawi.