Aizawl: Mizorama Motor Vehicle Enforcement Checkgate palina chu nimin khan Transport department Secretary Zosangliana’n Phunchawngah a hawng.
Transport department hian tuna hawn tak checkgate hma hian Vairengte, Rengtekawn leh Kanhmun-ah checkgate a lo siam tawh a ni.
Hawnnah inkhawmah khuallian Zosangliana chuan lirthei pung zel avangte, chu miin a ken tel dan bawhchhiatna pung leh a kaihhnawih laka invenna turin checkgate thar chu Mizoram tan thil chhinchhiahtlak tak a nih thu a sawi.
Checkgate hawnna hi Zothangzuala Chhangte, Joint Director (Hqrs) Transport Department-in kaihruaiin Er. R. Lalrammawia, Director of Transport Department leh B. Lalchuangkima, D.T.O (R.A) ten thu an sawi bawk.
Motor Vehicle Act & Rules hnuaiah a bikin bungraw phur chi lirtheiten an phurh theih zat aia rit an phur a nih chuan Rs. 20,000 chawi bakah tonne khat zelah Rs 2,000 chawitir a hrem theih an ni.