Mizoram Board of School Education (MBSE) in High School Leaving Certicate (HSLC) Examination 2025 result a tihchhuah takah, Presbyterian English School (PES) school 38 zinga fail nei lo school 11 an awm.
Tun dinhmunah Presbyterian English School zingah pawl 10 nei chin school 38 an awm mek a, chung zingah chuan school 11-ah fail awm lovin zirlaite an pass vek a ni.
PES, Daido-in zirlai exam nei tlem berin, mi pathumin exam an bei a. An pass vek nghe nghe.
PES zirlai HSLC exam zawng zawng hi 892 an ni a, chung zinga zirlai 805-in an pass a. Distinction-ah 69, 1st Division-ah 271, 2nd Division-ah 362, 3rd Division-ah 103, PES pass percentage hi zaa 90.25 a ni.
Hetih lai hian, Baptist Higher Secondary School, Serkawn atangin kumin HSLC exam 117 an awm a. Chung zinga zirlai 113 an pass a. Top 10 zingah H. Remsangliana s/o H. Lalmuankima, Theiriat chu a pum puiah parukna a ni.
BHSS hian distinction-ah 15, 1st Division-ah 45, 2nd Division-ah 42, 3rd Division-ah 11 te an pass a. Pass percentage hi zaa 96.58 niin, Letter 33-in an hmu a ni.