Max Verstappen leh Kelly Piquet te chuan an pahniha an fa hmasa ber an nei.
Verstappen leh Piquet te hian 2024 season kharna, Abu Dhabi-ah khan nau an pai thu hi an puangzar tawh a, Zirtawpniah khan fanu an nei thar a, an fanu hmingah hian Lily an sa nghal.
Kum 27 mi F1 driver Verstappen tan chuan fa pakhatna a nih laiin, a kawppui Piquet tan chuan a fa pahnihna a ni thung a, a hmain fanu Penelope a lo nei tawh a ni.
Max Verstappen hi vawi 4 ngawt world champion a lo ni tawh a, season kal mekah point 87 hmuin pathumna a ni mek a, Miami Grand Prix neih turah a dinhmun siam that a tum hle a ni.