Zaithiam Lady Gaga chuan Brazil khawpuiah kartawp hlimawm siamin, amah leh mipuite tan chhinchhiah reng tawh tur record ropui a siam.
May 3, inrinni khan Rio de Janeiro-a Copacabana Beach-ah free concert huaihawtin, a hla hit hrang hrang Gaga hian a sa a, mipui maktakduai 2.5 vel an pungkhawm nia chhut a ni.
Kum sawm liam hnua pop superstar in Brazil-a concert a neih leh hmasak berah hian thawm a siam na hle a, hmeichhe concert-a mipui punkhawm tam berna record hlu tak siamin, Madonna-i’n hmeichhe concert a mipui punkhawm tam berna record a lo siam tawh chu a khum niin concert buatsaihtute chuan an sawi.
Pathianni khan kum 39 mi hian a Instagram-ah post siamin, hun hlimawm tak leh chhinchhiah tlak tak a hmang thei chu a lawm thu a sawi a, Brazil mipuite chunga a lawmthu hahipa sawiin, an lo dawnsawnna leh inpekna zawng zawngah thinlung taka a lawmthu leh a hriatreng tawh tur sulhnu duhawm tak an siamsak thu a sawi bawk.