Aizawl: Power & Electricity Minister F Rodingliana chuan Sihhmui Sub Station-a current reanformer chhia siam that dan tur nimin khan a enfiah.
Sihhmuia 132kV Sub Station-a 33kV Current Transformer chu Thawhtanni khan a kang chhia a, hei hian 25MVA, 132/33kV Power Transformer a khawih chhia a, hei vang hian Sihhmui Sub-Station atanga power hmu – Sairang Sub Station, Lengpui Sub-Station, Rawpuichhip Sub-Station, W. Phaileng Sub-Station, ISPAT, PHE 37MLD Water pump-leh an chawm khuate’n power supply an hmu thei lo a ni.
P&E Minister chuan khawl chhiate siamthatnan hun a duh deuh dawn avangin, Powergrid Corporation of India Limited (PGCIL) hotute chu a bulhnaia awm PGCIL Bay hmang tangkai a, rang taka power supply pek chhuah leh dan tur ruahmanna a siampui a ni.
Ruahman ang chuan Sihhmui Sub-Station bulhnaia awm, PGCIL khawl (bay) hmangin Sihhmui Sub-Station-a 25MVA Transformer chhia thlakna tur power transformer thar chu tihnun a ni ang a, transformer charge anih chhung hian Luangmual leh Sihhmui inkar 132 kV line chu 33 kV a tihnun a, power lak luh nan hman lailawk turin hmalak nghal a ni.
Hetih rual hian, power pekna pangngaia kalpui leh anih hma chuan he powerline tan hian load a san deuh dawn avangin peak load laiin load shedding siam a ngai dawn tih P&E Minister hian a sawi.
Minister hi Adviser to Chief Minister TBC Lalvenchhunga leh Engineer-in-Chief bakah department engineer dangten an tawiawm a ni.