Aizawl: Union Minister for Road Transport & Highways Nitin Gadkari hnenah Mizorama kawngte chu a tlo zawk theihna turin rigid pavement-a siam turin Chief Minister Lalduhoma’n rawtna a thlen.
Nilaini tlai khan Chief Minister Lalduhoma’n Union Minister Gadkari chu a chenna inah a kawm a; he hunah hian Mizoram Chief Minister Lalduhoma’n Mizorama kawngte chu a tlo zawk theihna tura rigid pavement-a siam rawtna a thlen chu zirchiang tur hian Mizoramah official te chu a tirh tur thu Union Minister hian a sawi.
Mizorama kawngpui pawimawh Vairengte leh Sairang (NH-52) inkar, Vairengte leh New Vervek (NH-306A) inkar, Lawngtlai leh Siaha (NH-502) inkar kawngpui siamthat dan tur leh hmalak zel dan tur te chief minister hian a sawi pui bawk.
Chief Minister hi MP Richard Vanlalhmangaiha, Chief Secretary Khilli Ram Meena leh sorkar official dangten an tawiawm a ni.