Kar liamta ningani zan khan Lal Thanhawla Auditorium-ah ‘Dilna chhangtu’ tih gospel music video album chu Upa Malsawmdawngliana’n Pathian hnena hlanin a tlangzarh a, heta hla awm ho hi Lallawmzuali phuahte an ni.
Album thlirlawkna hi Chris MS Dawngkima’n neiin, hla phuahtu Lallawmzuali’n thu sawina a nei bawk. He album-ah hian hla 10 awmin, zaithiam hrang hrangte’n an sa a. He music video tlangzarh rual hian hla phuahtu Lallawmzuali’n a hla phuah chhan a ziahna lehkhabu ‘Dilna Chhangtu (Min hruaina leh hrualna)’ tih chu tihchhuah tel nghal a ni bawk.
He album-ah hian zaithiam hrang hrangin hla awmte hi sa in, an hun laia lar tak tak an kim hle a, tun hma deuha lar thin Melody leh Tetea te, gospel top artiste la ni reng Duhsaki te, Praise On 2024 pakhatna Thlanawma bakah top 5 Maria te an zai a, album buatsaih nan hian thla 7 vel hun an hmang a ni.
Hla phuahtu Lallawmzuali hi Synod Higher Secondary School-a lecturer hna thawk lai niin, Ramhlun South-ah an chhungkuain an cheng mek bawk.