A hunlaia hollywood couple inhmeh ber nia sawi thin Brad Pitt leh Angelina Jolie te chuan inthenzai an rel hnuah mahni kalna kawng lama kal hrang chho zelin, Pitt hian ngaihzawng nghet a nei thar leh mek nia sawi a ni.
Jolie-i chuan ngaihzawng lam ngaihsak lova a fate tana hun a hman chhoh mek lai nia sawi a nih lai hian Pitt erawh chu jewelry designer Ines de Ramon nen nghet taka an inkawp mek thu tarlan a ni.
Babylon movie siamzo hlim Pitt hi September 2016 khan Angelina Jolie nen inthen felin, hemi hnu hian tutu teemaw chu a date leh tawh nia sawi a ni a, an zingah hian Emily Ratajkowski leh Nicole Poturalski te pawh an tel.
de Ramon pawh hi hun hmasa lamah chuan The Vampire Diaries star Paul Wesley nen innei tawhin, Pitt nen an inkarah engmah a awm lo niin sawi ve bawk mah se, vantlang zingah inhaw lo taka an awm hmuh a nih zeuh zeuh takah chuan rinhlelhna a lian sawt hle thung.
Anni pahnih hi November 2022 khan an intawng tan nia sawi an ni a, hemi hnu hian inbe zuiin, de Ramon thian hnai tak pakhat chuan an inngaihzawnna chu a nghet tawh hle niin a sawi bawk.
Pitt hian tunhnaia Los Angeles lama a movie chan thar Babylon premiere-naah de Ramon hi a hruai nia sawi a ni a, red carpet zawh dun lo mahse, after party ah erawh chuan inhaw lo takin an inkuah tawh nia sawi an ni a, an inkungkaihna a nghet tawhin, a thuk viau tawh niin khawthlang media te chuan an sawi zui bawk.