Aizawl: Food, Civil Supplies & Consumer Affairs department chuan tun dinhmunah buhfai chhekkhawl a that avangin, manganna tur a awm loh thu an sawi.
Nimina thuchhuah an siamah FCS&CA chuan, kumin furpui lo thleng mekah ruah tui nasa takin tlak mekin, Mizoram chhungah chhiatna leh harsatna a thleng a. hmun tam takah kawngpui a min a, kawng chhuat bal eng emaw zat a awm a. Hetih rual hian, tun dinhmunah buhfai chhekkhawl dinhmun a tha a, manganna tur a awm loh thu an sawi.
FCS&CA chuan fur laia tlawh pawh that theih loh khuaah buhfai (Monsoon stock) a chhek khawl fel tawh a ni tih leh heng khuaahte buhfai chungchangah thlaphanna tur a awm lo tih sawiin, fur avanga mipuiin buhfai an tlakchham lohna turin theihtawp a chhuah zel dawn niin an sawi bawk.