Mawi taka i nuih dan mai ni lo, i nuihdan ran zawng (speed) hian vawikhatnaah midangte ah a tha lam leh tha lo lam thlengin nghawng a nei thei a, i lakah ngaihdan rang takin an siam nghal thei niin zirchianna chuan a tarlang.
Rang taka nuih hi a lo hmutu tan, ‘Mi belhchian dawl (sincere) lo a nih dawn hi’ tihna hun remchang a ni a, chutih laiin thinlung taka han nuih fan raih mai hian i tih tak takna a pholang a, a hmutu tan hahdamna a thlen.
He thilah hian mithiamte chuan business advisor te chu an nuih avanga an hnuaia thawkte’n hlawkpuina an hmuh dan ngun takin an enfiah leh ta a. Chutah chuan, nui chiah si lo, then an tih mai (grining) pathum hi neih reng reng loh tur tih chu an thutlukna a ni.
The Enthusiast – Nui huau huau, hâ zawng zawng a lang a, mit mu a lang lian bawk a, a hmutu tan a rit mah mah. The Big Freeze – Zir chawp emaw nui ve hram hram tih hriat ngawih ngawih. The Robot – Then ve tho, polite taka nuih erawh a keng tel nangin, chhungril ber atanga chhuak a ni lo Glasgow, England-a hmunpui nei, Go Group-a an hotu, Lesley Meechan chuan, “Zirchianna atanga chiang taka lo lang taa chu- zawi muanga nuih, pangngai tih hriat ngawih ngawih, chumi ina hmel pum fan chhuak nghal thin hi nui tak tak (genuine smile) an tih chu a ni,” a ti.