BTS member RM leh V te chuan sipaia an tan hun chhung tur hmang zoin, an hna lamah an insawrbing chho leh thei dawn.
K-pop singer pahnihte hian June 10 khan an sipai tan hun chhung tur chu hmang zoin, thla 18 chhung teh meuh an band member te nen an inzui thei tawh lo a, group tour pawh an nei thei rih tawh lo a ni.
RM (Kim Namjoon), 30 hian military band unit-ah private hna thawkin, V (Kim Taehyung),29 chuan special forces unit lamah sergeant hna a thawk thung a, an sipai service hna hi December 2023 atang khan an tan a ni.
Sipai atanga an chhuah hnuah RM chuan, min lo lawmtute leh min enkawltute zawng zawng chungah lawmthu ka sawi a, BTS anga kal leh turin ka inpeih, a ti.
V pawhin lawmthu a sawinaah, sipai tan chu nuam a tih thu leh a sipai tan chhunga dawhthei taka fan te lo nghahnaah lawmthu a sawi bawk a, BTS anga hmalak leh thuai thuai a chak tawh thu a sawi.