Aizawl: Chief Minister Lalduhoma hovin Crop Insurance Scheme – Pradhan Mantri Fasal Bima Yojana (PMFBY), 2025-26 chungchang sawi hovin nimin khan CM Office-ah an thukhawm a, Mizoram sorkar chuan lo neitute (crop insurance) premium pek ve tur hi thahnem tak tumsak ni se an ti.
Thutkhawmah hian Agriculture Department Secretary chuan Ramdinliani chuan PMFBY, kum 2016 atanga India rama hman tan tawh chungchang a sawifiah a, Mizorama 2025-26 chhunga kalpui dan tur a sawi bawk.
Khawkheng, tuilian, thlai hrik leh natna hri, leimin, natural fire, tek, thlipui leh rial vanga chhiatna te insure theih a ni a. A insurance leina man (premium rate) hi fur thlai cereals & pulses-ah zaa 2, commercial crop ah zaa 5 a ni a. Thlasikah chuan cereals & pulses hi zaa 1.5 leh commercial hi zaa 5 a ni a. Horticulture crop dang pawh a awm bawk a, season khat chhung atan zel a ni.
Kum dangah chuan Insurance Company rawn intatlut duh te zawn thin a ni a, kuminah chuan Government of India undertaking Agriculture Insurance Company te nena hmalak ho a tha dawna ngaih a ni.
PMFBY kalphungah hian central share, state share leh loneitute tum ve tur te a awm a. Loneituten an pek ve tur chhawk zangkhai dan an rel nghal a. Mizoram sorkar chuan loneitute (crop insurance) premium pek ve tur hi thahnem tak tumsak ni se an ti.
Bawhzui ngaite bawhzui nghal a ni tum a ni a. Crop Insurance Scheme 2025-26 hi puan theiha peih thuai a ni ang.
Thutkhawmah hian chief minister Lalduhoma bakah PC Vanlalruata, Agriculture Minister leh Agriculture department hotute, Finance dept. aiawhte an tel bawk.