Aizawl: Mizoram Rural Bank (MRB) chuan YMA Day 2025 denchhenin Corporate Social Responsibility (CSR) kaltlangin Central YMA hnuaia Computer Study Centre tan computer set 20 a hlan.
Computer Set hlanna inkhawmah Lallawmzuala Colney, General Manager, MRB chuan YMA-in a thlawna computer zirna a siam chu lawmawm a tih thu sawiin, ‘Tanpui ngaite tanpuitu’ an nih anga hetiang ruahmanna a lo kalpui avangin Central YMA chungah lawmthu a sawi a; YMA member zawng zawngte MRB aiawhin YMA Day chibai a buk.
Central YMA President Lalhmachhuana’n lawmthu sawiin, Computer Study Centre hnathawh dan leh computer zirna mamawhte, a thlawna zirtir an nih dante leh hmachhawpte a sawifiah bawk.