Katy Perry chuan tour nei mekin, in a chhuahsanna pawh thla a vei ta. Hetih lai hian a kawppui Orlando Bloom nen an inkar a tha lo nia report a awm bawk.
A album thar ber ‘143’ tour nei mek Perry hi thla hnih kalta atang khan a kawppui nena an inkar hi a tha vak tawh lo nia sawi a ni a, mahse amah chuan a pha nasa hle thung.
Kum 40 mi chuan Bloom nen an inkar a that thu hi a tour-na pakhatah sawiin, a tour zawha an hun hman dan tur thlenga an la ruahman nasat thu sawichhuakin, a tour-na ah chuan a fanu Daisy Dove pawh a la hruai ve zel thu a sawi.
‘Ka tour hi nuam ka ti a, ka hlim a, ka fanu ka bulah a awm a, engkim hi nuam ka ti,’ tiin KP chuan a sawi bawk.
A kawppui nena an inkar chungchang pawh sawichhuakin, ‘Ka ta a ni a, a ta ka ni bawk’ tiin a la sawichhuak nasa hle. Hemi bak hi an inkar chungchang engmah an la sawichhuak lo a ni.
Perry leh Bloom te hi kum 2019 khan inhual tanin, a kum leh August thlaah an fanu Daisy Dove hi a piang.