Pathianni kha khawvel ram hrang hrangin Father’s day an hman hun a ni a, keini lamah pawh kan theihtawpa ‘Pate Ni’ kan lo hmang ve ang khan milar tak takte pawhin am takin an hmang ve a, chung zingah chuan Paris Hilton pawh a tel.
Kum 44 mi chuan a kawppui Carter Reum,44 chu Father’s day pual duhsakna tinreng hlanin, a instagram lam thlengin thlalak leh video hrang hrangah duhsakna a hlan kur nasa hle.
Hilton chuan a kawppui nena an inhmangaihna chu vul zual zel se a duh thute ziakin, a kawppui ngilneihna, dawhtheihna leh thinlung taka a hmangaihnate chu amah leh a fate pahnih tan thil ropui tak a nih thu a sawi.
Paris Hilton hian ama pa Richard Hilton pawh duhsakna hlanin, zahna chibai a buk bawk a. “The most loyal, loving, and protective man,” tiin a ziak kur nguai bawk.
Hilton leh Reum te hi hun rei fe an inzui hnuah inkawp rem chho zelin, an fa u ber Phoenix Barron Hilton Reum chu January 2023 khan a piang a, a naupang zawk London Marilyn Hilton Reum chu a hnu kum khat pawh tling lovah a piang leh bawk a ni.