Aizawl: Mizo Students’ Union (MSU) hruaitute’n nimin khan Mizoram Public Service Commission (MPSC) Chairman leh Secretary hmuin, hna lak exam result tihchhuah har chungchang an zawtfiah.
MSU hruaitute chuan nikum (July 29, 2024 & July 31, 2024) a State Tax Officer leh Co-operative Audit Officer lak tawh, thla 10 hnu pawha exam result la chhuak lo leh, Common Competitive Exam nikum (Dec. 17, 2024) a exam tawh result la chhuaklo chungchang chu MPSC Chairman leh Secretary hnenah an zawtfiah a. Mizo thalai exam beituten hna dang an exam lehna tur kawngah harsatna a siam avangin, heng exam result te hi a rang thei ang bera tichhuak turin an ngen.
MPSC Chairman hian heng hnalak kal mekte hi evaluator lamah harsatna tlemte an neih avanga tichhuak har an nih thu a sawi a. Chawlhkhar thar June 27, 2025 ral hmaa exam result tihchhuah an tum ngei thu a sawi bawk.
MSU hruaitute chuan MPSC hotute thu hi ngaihchan hmasak tha tiin, an intiam anga chawlhkar thara (27th June 2025) ral hmaa exam result hi a chhuah ngei an beisei a, an ngaihven reng dawn niin an sawi.