Tuna US-a zin mek, Youth Icon star J. Lalrosanga (RS-a) chuan a zin mekna chu ral khat atanga a lo thlir ang ngawt a nih loh thu a sawi.
RS-a hian a zin mekna US chungchang chu tun hnai khan a social media account pakhatah a rawn ziak lang a. Chutah chuan, USA hi ral khat atang thlir chuan a chengte khawsak dan hi nawm hmel viau mah se, a hmun thlen chuan a ngaihdan a dan thu a sawi.
Youth Icon star chuan, “Theihtawpin hna an thawk a, an taima em em a, zin tam tak hian sum leh paiah hlawk kan tum tlangpui a. Ni e, kan tan chuan theihtawpin min ngaihsak a, a hlu takzet a; mahse, an dinhmunte kan hriatthiampui a ngai hle a ni.”
“Sum hi theihtawp chhuahin an lo thawk chhuak a, inthlahdah a thiang lo tawp a ni. Hna avangin thian tak ngial pawh an kawm hman meuh lo a ni. Sum hlutna a inthlauh avangin a hlawk kan tiringawt a, mahse helamah chuan dollar 20 pawh hi hah taka thawhchhuah a ni. USA kan thlen nana min ko ringawt pawh hi lawmman tha tak a ni tawh,” a ti.