Portuguese footballer Cristiano Ronaldo chuan Zirtawpniah khan Esports World Cup atan Global Ambassador a nih thu a sawi.
Ronaldo hian social media-ah Global Ambassador a nih thu hi a puangzar a, “Global Ambassador anga Esports World Cup ka zawm ve thei tur hi lawmawm ka ti a. Tunlai mi leh thangthar zel turte chunga leng thei esports lama infiammite fuih phur theitu ka nih hram ka beisei,” a ti.
2025 Esports World Cup chu July 8 atanga July 21 chhungin Saudi Arabia-a Riyadh khawpuiah an nei dawn a ni.
Esports huangah hian Ronaldo hi a mikhual lem lo hle a, Konami ho Pro Evolution Soccer-ah pawh ambassador atan an lo hman tawh bakah, nikum kum tawp lama Japanese football game UFL pawh a lo thlawp tawh bawk.
March, 2025-ah khan Japanese fighting game Fatal Fury : City of the Wolves-ah character pakhat khelh theih tur a nih tur thu amah hian a lo sawi tawh a. He game hi World Cup-ah pawh hian an telh dawn nghe nghe.