Noah Cyrus chuan kartir khan fan te tan thu lawmawm sawichhuakin, rei rial tawh lovin album thar tihchhuah a tum thu a sawi.
A album thar tur hi ‘I want my loved ones to go with me’ tih a ni dawn a, hun rei vak lovah tihchhuah a tum thu a sawi a ni.
Kum 25 mi chuan hun rei tak ka nghak a, thutlukna ka siam tak tak thei lo fo. Album tihchhuah duhna nei mah ila ka huaisen tawk lo thin, tunah chuan ka ti thei dawn ta. Keima tan bik liau liau hian a hlu a ni, a ti.
He a album thar turah hian ‘With You’ tih pawh awm dawnin, hei hi a pa Billy Ray Cyrus hla phuah hmasak ber a ni a, a pa chu a tan engkima engkim niin, music a tuina min tuhtu, kawng engkima min kaihruaitu a ni bawk, tiin a pa chungchang a sawi tel.
Track 11 awmna album hi Mike Crossey leh PJ Harding te nen thawkho a an siam a ni.
Fan te tana thu lawmawm dang chu tour neiin a chechhuak zui dawn.
A tour show hi July 11-ah Los Angeles-ah tan a nih tur thu Cyrus chuan a sawi a, San Francisco, Minneapolis, Chicago, Boston, Philadelphia leh hmun hrang hrangah chhunzawmin, Oct 24-ah Phoenix-ah tihtawp a tum a ni.
Show ticket hi June 20 atang hian an ramah chuan hralhchhuah tan tur niin, a tour schedule hi a tarchhuak tawh bawk.