Mizoram sorkar in Mizoram Universal Health Care Scheme (MUHCS) a siamah mimal damdawi in intelkhawmte chuan sorkar an la rem ve hlei thei lo a, sorkar lam nen thuchhuah an la insiam chhawk zak zak reng mai.
Damdawi in leh a kaihhnawih thil reng reng hi mipui nitin mamawh, khawsak harsa ber thleng pawhin a kan ban an ni a, an pawimawhin kan nunna hnar tak meuh an ni bawk.
Tuna sorkar in health care dan thar a hman pawh hi a thatna lai leh a that lohna lai tam tak a awm ngei ang. Hemi chungchang hi inrem taka chinfel dan awm thuai thei se a va duhawm em.
Sorkar damdawi in a lun telh telh a, seat awl a awm ngai meuh lo. Hetiang hi kan nih avang hian mimal damdawi in a pan loh theih loh a, mahse khawsak harsa ve tak tak pawhin health care an tih hi a tul a, mahse a tithei lo damdawi in atang chuan bill theih a ni bawk si lo. A buaithlak hle.
Sorkar leh mimal damdawi in lam an inrem mai theih loh avang hian a tuartu chu mipui kan ni tho tho a, khawsak harsa ve tak tak pawhin an neih zawng zawng bakah, puk chawpa damdawi in an luh a tul a, bill let leh tur a awm loh avang hian a nghawng hi na tak a ni.
Harsatna awm thei hrang hrang pawh a awm teuh ang. Sorkar damdawi in lamin min zawh miau loh avang hian sorkar leh mimal damdawi in lam hi inrem thuai se la, a nghawng thui leh rapthlakzia hi hre tel chungin remna kawng zawh mawlh tawh teh se.