Aizawl: Kum 2016 leh 2025 chhung khan Aizawl district huam chhungah thisen 1,27,429 endik atangin HIV+ hri pai mi 9,600 hmuhchhuah a ni a; nu nau pai mi 635 hmuhchhuah an awm bawk.
Ningania Aizawl DC Conference Hall-a District AIDS Prevention and Control Committee (DAPCC), Aizawl district thutkhawma Dr R Zonunmawii, DPM, DISHA in a tar lan danin, India ram pumpuia HIV+ vei zaa 0.20 an awm laiin, Mizoramah zaa 2.73 an awm a, Aizawl district chhungah zaa 3.93 an awm mek.
Aizawl district huamchhungah kum sarih (2018-2025) chhunga thisen (general) 1,27,429 endik atangin HIV+ hri pai mi 9,600 hmuhchhuah a ni a. Nu naupai thisen 62,124 endik atangin HIV+ hri pai mi 635 hmuchhuah an awm bawk.
Kum 2016-2025 chhunga HIV+ hri pai hmuhchhuah ten HIV+ an kaina tam ber chu mipat hmeichhiatna hman atangin zaa 64.1, mipatpui leh hmeichhiatpui/bisexual atangin zaa 3.2, hriau inhmantawm atangin zaa 30.4, nu leh pa atangin zaa 1.5 leh kaina hriat loh (not specified) zaa 0.6 te an ni.
Kum bithliaha HIV+ kai dan chu kum 14 hnuaiah zaa 1.57 (2023-2024 aiin 2024-2025 ah zaa 0.3 in a pung) a ni a, kum 15 leh 24 inkarah zaa 20.2 (2023-2024 aiin 2024-2025-ah 3.8%-in a pung) a ni a, kum 25 leh 35 inkarah zaa 40.4, kum 35 leh 49 inkarah zaa 29.8 leh kum 50 chung lamah zaa 7.8 (kum 2023-2024 aiin kum 2024-2025-ah 0.6%-in a pung) a ni.
- Age wise HIV+ kai dan:
1) Kum (14) hnuailam : 1.57% ( 2023-2024 aiin 2024-2025 ah 0.3% in a pung)
2) Kum (15-24) inkar : 20.2% (2023-2024 aiin 2024-2025 ah 3.8% in a pung)
3) Kum (25-35) inkar : 40.4%
4) Kum (35-49) inkar : 29.8%
5) Kum (50) chunglam : 7.8% (kum 2023-2024 aiin kum 2024-2025-ah 0.6% in a pung)