Aizawl: Aizawl Mihlun thlahten Inkhawpum lian ‘High Council’ chu I&PR Conference Hall-ah Inrinni khan an hmang a; Aizawl Mayor Lalrinenga Sailo-in khuallian niin a hmanpui.
Aizawl Mayor chuan AMC in Aizawl mipuite tana hmasawnna kawng hrang hranga an thawhna leh mipui thlawpna avangin Aizawl khawpui hmel thar a hmu chho mek tih a sawi a. Aizawl neitu Aizawl Mihlun Thlahten an rawtna anga AMC huaihawta Aizawl mipui huapa ‘Aizawl Day’ hman pawhin hlut a hlawh chho zel tih sawiin, Aizawl hmasawn zelna atan an ngaihtuahna seng chhunzawm a, finchhuah zel turin Aizawl Mihlun Thlahte a sawm.
High Council hi an pawl Vice Chairman John Rotluangliana’n a kaihruai a. He pawl Chairman K. Liantlinga chuan Presidential Address sawiin, Dr. Vanlalruata, Treasurer chuan pawl sum dinhmun report a pe.
An pawl General Secretary V. Lalnunthara (Mathara) report danin, Aizawl Mihlun Thlahte-ah hian member 1,500 an awm mek a, kumin chhunga an member, popuina a kaisang mi 17 te hriatrengna hun an hmang bawk a, High Council Rorel neih zui a ni.
Aizawl Mihlun Thlahte hi kum 1950 hma lama Aizawla inbengbel tawhte;n V. Thanga In, Dawrpuia an din a ni.
- High Council rorel thenkhat:
- Aizawl Mihlun Thlahte pawl hming chu a hming ngai anga kalpui zel nise tih a ni.
- Aizawl Mihlun Thlahte-a tel thei chin, kum bithliah chu a ngaiin; kum 1950 hmalama Aizawla inbengbel chin te a huam ang.
- Assam Rifles chhuahsan ram enkawl zui zelna leh tihhmasawn tura Mizoram sorkarin a din, Advisory Committe-ah Aizawl neitu kan nih angin awka neih ve tha in kan hria a. Aizawl Mihlun Thlahte aiawh 1 telh ve tura Mizoram Sorkar ngen nise tih a ni.
- Aizawl Mihlun Thlahte Thalai Pawl (Youth Wing) din tha an ti a, Executive Council bawhzui turah an dah.