Inrinni khan Aizawl tennis court bawr vela thlai thar zuartute chuan AMC lam atanga khapna thupek an hmuh avangin an thlai thar an zuar thei lo a, hei vang hian nileng deuh thawin inkalpawhna kawngpui an dang.
Hemi avang hian Aizawl chhim lam inkalpawhna kawngpuiah traffic jam a nasat phah a, thlai thar zuartute hian AMC chu thiah an duh thu an tlangaupui hial a ni.
Thlai thar zuartute sawi danin AMC lamin inzawrhna tura an tih AMC Multi-Complex Building, Tuikual South-a awmah chuan an leng vek lo a, step-ah te inpho a ngaih thu sawiin, bazar turte tan kal hleih theih a ni lo a, hemi a nih avang hian inrinni chauh a kawngpui sir tuaka inpho leh chu an ngiat ber a ni bawk.
AMC lam hian dan tlawhchhanin khapna thupek hi an lo chhuah tawh a, khawpui a lo thianghlim leh felfai zawk nan bazar building-a thu hram hram turin thlai zuartute hi an tih bakah, thupek bawhchhe lo turin an chah bawk.
Inremna fumfe em em a la awm chuang lo nain, kartawp a ni leh ang a, mahni thlai thar zuartute hi an lokal leh ngeiin a rinawm. An chhuanlam ber bazar hmun thutnaah hian an thu leng lovin, chhuan lam an la nei zel mai thei a, AMC lam nen hian inpawh takin thutlukna felfai, mipui tan pawha dawrna nuam tur hi siam thei thuai se la, buaina dang chhuah belh tawh lo hram bawk teh se.