Engtik lai pawh a lan naupan duhna thinlung hi mihringte pianpui a ni a, tunlaiah hmeichhia chauh nilo mipate pawhin hmai chuar leh zur mai tur lakah an inveng nasa hle tawh tih khawchhak leh khawthlang ram atang kan hmu thei a ni.
Choka a chhungtin te’n kan kawl hmang ngei hian hmai zur leh chuar han enkawl ziaawm teh ang. Chemical a tel lo a, rilru nuam deuhin kan hmang thei ang. Kar khat chhungin result tha tak kan hmuh theih a rinawm.
Kan mamawhte –
- Artui chhungmu pakhat
- Olive oil fian hnih
- Khuaizu fian chanve
- Medical Vaseline thingpui fian hnih
- Hman dan tur
A hmasa berin Vaseline hi a tui theih nan tuilum sa vut vut chungah minute 2 vel ur tur a ni. Vaseline a tui hnu ah a chunga kan sawi tak chi thum te chu pawlh a, kawi hlarh tura minute 2 vel chawh tur a ni. Tichaun kan thil chawhpawlhte chu cream ang a lo ni tawh mai dawn a ni.
Tichuan cream siam kan hnawih hmâin hmai fai taka phih hmasak tur a ni.
Tichuan Hmai ah cream siam chu hnawihin minute rei lote massage tur ani a, tichuan darkar chanve vel nghah tur ani bawk. Darkar chanve vel hnu ah chuan Hmai chu lapua tuilum chiah hmangin kan hrufai tawh mai dawn a ni. Chhun lama ti hman lote tan zan mutdawnah ti thei ila a tha ber a ni.
A chhan chu cream hnawih-te hi Hmaiah darkar khat tal awm thei se a tha hle bik niin an sawi.
Cream siam kan hmanban te chu fridge chhungah dah tur ani a. Kar khat chhung han ti chhin la, result lung-awina tham i hmuh chuan i ti zawm zel dawn a nia. Hriat tur pawimawh tak pakhat chu, a chunga ingredients kan sawite khi duh thawh lutuk vanga a aitam pawlh loh tur a ni.