Aizawl: Central YMA Executive Committee thukhawm chuan kumina YMA Inkhawmpui Lian vawi 75-na neih hun atan October 21-23, 2025 a ruat.
Thawhtanni zan khan Central YMA Executive Committee chu Tuikhuahtlanga Central YMA pisa-ah an thukhawm a. |hutkhawmah hian Sakawrdaia YMA Inkhawmpui Lian vawi 75-na neih hun atan October 21-23, 2025 ruat bakah, inkhawmpui Programme Committee din nghal a ni bawk a. Chairman-ah Vice President Prof. Lalnuntluanga ruat a ni a, kumpuan thupui sawi turin General Secretary Prof. Malsawmliana ruat a ni bawk.
Heng bakah hian kum tina Group leh Branch inelna neih thin – Kumpuan bawhzui tha, Ramngaw leh nungcha humhalh tha, luidung humhalh tha, Branch chanchinbu tha leh YMA Chanchinbu la thate buatsaih leh tum a ni.
Thutkhawmah hian Phunchawnga ruihhlo ngaite enkawlna OKM Home-ah July ni 19, 2025 khian a thlawna inentirna, Free Health Clinic buatsaih an rel a; Assam-a Barak Valley huamchhunga YMA Branch ding thar pali pawm a ni bawk a, Central YMA in a awp dawn a ni. Heng bakah hian pawl chhung inkaihhruaina thil chi hrang hrang an rel bawk.
Thutkhawm hi Central YMA President Lalhmachhuana’n a kaihruai a ni.