BTS an rawn let leh dawn ta!
Fans te nghahhlelh em em chu a rawn herchhuak dawn ta tih K-pop icon te chuan sawiin, kum 2026 atan album siam leh world tour neih ngei an tum thu an puang a ni.
Group member te hian July ni 1 khan livestream neiin, hetah hian an hmachhawpte hi an puang a, he an livestream hi fans maktaduai 7.3 chuangin an en!
An album thar tura hlate hi tun thla chhunga recording tih tan an tum thu an sawi bawk a, member te pawh an phur tawh hlawm hle tih an sawi bawk.
An world tour neih tur pawh an phur tawh tak zet tih an sawi a, fans te chu anmahni ang bawka phur an nih an beisei thu an sawi a, an tour kalpui dan tur erawh an la sawi chiang thei chiah lo thung.
BTS te hi kum 2013 a indin an ni a, sipai a an tan hun a thlen chhoh avanga inhmukhawm hlei thei lo chhoin, band member te chu an sipai tan hun a zawh tawh hlawm avangin tunah hian thatho takin an indin thar chho leh mek a ni.