Aizawl: Mizoram State Policy Coordination Committee (MSPCC) Vice Chairman Dr KC Lalmalsawmzauva chuan sorkarin thlai thar leite a zawh fel thawkhat tawh avangin, tunah chuan an flagship programme, ‘Handholding-Bana Kaih Scheme’ lamah chak zawkin hma an la thei tawh turah an ngaih thu a sawi.
Thawhlehnia I&WR Auditorium, MINECO-ah Planning & Programme Implementation Department buatsaihin ‘Leadership Sensitization Workshop on The Mizoram Bana Kaih (Handholding) Scheme’ ah Adviser to chief minister (hand holdinh) ni bawk Dr. KC Lalmalsawmzauva chuan sorkar flagship programme ‘Handholding- Bana Kaih Scheme’ hi Mizoram dinchhuahna leh hmasawnna tur hnukpui a nih avangin, hlawhtlin an tum avangin fimkhur pawh an fimkhur a, handholding scheme dawng tur zawng zawngten Leadership Sensitization Workshop-a an thu puanchhuah hi an hriat bel hle a ngaih thu a sawi.
MSPCC Member & Managing Director, ZIDCO LP Lalchangkima chuan Progress Partner-ten Bank Loan an lak leh rulh dan tur te, handholding hnuaia loan scheme pawimawh zual hrang hrang – PMEGP, MUDRA, KCC, NLM (vety. subsidy), Stand Up India (SUI)- Start Up, RBS (Bank Regular Scheme) te atanga guarantor chungchang te leh, dahkham chungchangah corporate guarantee hnuaia loan cover a nih dan tur te, sorkarin Progress Partner-te a puihna bank loan interest leh guarantee chungchangte a sawi fiah a ni.