Spanish club Barcelona in hmasawn lam an pan a, football hmuhnawm khelh an thei a ni tih an lantir. Ningani zan Europa League knockout stage playoff second leg-ah Napoli tlawhin 4-2 in hnehna an chang.
Diego Armando Maradona stadium-ah team pahnihte hi first leg a 1-1 a inhnehtawk sa in khelmual an lut a. Mikhual team an tlangnel nghal.
Minute 8-naah Jordi Alba chuan counter-attack rang leh hlauhawm tak chu a hmawbawktu ah \angin goal a khung a. Minute 13-naah Frenkie de Jong chuan an goal hnihna mawi takin penalty area pawn a\angin a pet lut.
Napoli in minute 23-naah goal khat an khung ve a. Barcelona goalkeeper Marc-Andre ter Stegen chuan penalty area chhungah Victor Osimhen a ti tlu a. VAR hmanga endik hnuah penalty chawiin Lorenzo Insigne chuan penalty a\angin goal a khung.
Mahse Barca an ngawi reng lova, halftime dawnah goal khungin Gerard Pique chuan Napoli goalkeeper Alex Meret dan hman lohin goal-ah a pet lut a, halftime-ah goal hnihin hma an hruai.
Second half-ah Napoli hmabak a kova, beiseina an neih hmet mit turin striker Pierre-Emerick Aubameyang chuan dinglam a\anga Adama Traore ball pek chu laklawh awm miah lovin a pet lut a. Barca an lawm.
A thlengtu lamin huntawp dawnah Matteo Politano hmangin goal khat khung mahse an tan awmzia a awm tawh lo.
Barcelona hian round of 16-ah Turkish club Galatasaray an hmachhawn leh ang.
Barca coach Xavi Hernandez chuan Europa League champion tura rin ber an ni mek nia tam takin an ngaih chu a pha a. “Rinkai hi kan ni lo chiang. Inngaihtlawmna nen hmalam panin kan theihtawp kan chhuah tur a ni. |ha takin kan khel a, result duhawm kan nei, mahse round of 16 kan lut chauh a ni a, engmah kan la chawi lo.” tiin a sawi.
Dortmund an mualpho
Scottish club Rangers in mipui rin loh result an thlen tir a. German club hlun Borussia Dortmund chu 6-4 aggregate in an hneh.
First leg-ah Rangers hi Westfalenstadion-ah 4-2 in an chak a. Ibrox Stadium-ah an phur. James Tavernier hmanga penalty a\ang goal hmahruai khungin an dinhmun a \ha zual sawt a. He goal hi Dortmund in Jude Bellingham leh Donyell Malen te hmangin an chhanglet.
Mahse second half-ah Tavernier bawkin vengtu nei lova awmin an si phurh a sut a. A tawp dawn thleng goal a luh belh lo.
Ibrox manager Giovanni van Bronckhorst chuan, “Kan thei a ni tih rin tlatna nen bul kan \an a. Kar hmasaah kan hneh a, vawiinah kan duh ang result nei turin kan insiamrem \ha leh hle bawk a. Kan rilru puthmang kha a dik a ni.” tiin a sawi.
Inkhel dang
Europa League knockout rounds inkhel dangah Atalanta in Olympiakos chu 3-0 in an hneh a. Ruslan Malinovskyi chuan goal hnih khungin Joakim Maehle chuan goal khat dang a khung a. RB Leipzig tan Willi Orban, André Silva leh Emil Forsberg ten goal khungin 3-1 in Real Sociedad an hneh ve bawk.
Europa League last-16 draw
Rangers v Red Star Belgrade
Braga v Monaco
Porto v Lyon
Atalanta v Bayer Leverkusen
Sevilla v West Ham
Barcelona v Galatasaray
RB Leipzig v Spartak Moscow
Real Betis v Eintracht Frankfurt