Lemchan thiam Tom Cruise leh Ana de Armas te chuan an inkar chu thuthang mai a ni lo a, inkungkaihna nghet tak an nei tih an sawi chiang ta.
An pahnih hian hun rei fe chhung chu enthlak leh ngaihruata an chungchang sawi dun niin, July ni 26 khan an inzui lai hmuh leh an ni a, hemi tum hi chuan inpawh takin, mi hmai eng zah tawh lem lovin an awm a, a hnuah an inkawpna chu thuthang mai a ni lo tih an sawi zui.
Kum 63 mi Cruise leh actress kum 37 mi De Armas te hi kumtir lam khan inzui tanin, May ni 3-a Beckham a birthday party lawmna London-ah pawh an kal dun a, khawpui hrang hrangah hmuh dun zui an nih thin avangin thuthang a tam chho hle a, tunah chuan anmahni ngei pawhin zep buai tawh bik lovin, an inkawp ngei a ni tih an sawi a ni.
Cruise hian a hmain Mimi Rogers, Nicole Kidman leh Katie Holmes te nupui atan a lo nei tawh a, anni ho nen hian fa pakhat theuh neiin, Isabella,32, Connor,30 leh Suri,19 te an ni.
De Armas pawh hian milar hrang hrang a lo date ve tawh a, chung zingah chuan Ben Affleck pawh telin, ani nen phei hi chuan March 2020 atanga January 2021 thleng khan an inzui.