Conor McGregor chuan nikuma pawngsuala an puhna a khing let a, court-in a hnawlsak.
UFC star McGregor hi November thla khan pawngsual chungchangah Ireland High Court chuan thiam loh a chantir a. Hmeichhe pakhat chuan kum 2018 khan khualbuk pakhatah a pawngsual niin a puh.
Court chuan hemi chungchang hi an ngaihtuah a, McGregor chu thiam loh chantir niin, €2,48,000 chawi tura tih a ni a. Kumin kum tir lamah khan court thutlukna hi a khing a, tun hnaiah a khin letna hi an lo hnawlsak ta a ni.
High court chuan McGregor-te thu thlen chu a lo hnawl a, kum 37 mi pawlte hian thutlukna hnial thlak tumin theihtawp an chhuah a, chuti chung chuan an hlawhtling ta lo a ni.
Pawngsuala puhtu hmeichhia hian high court hnenah kum 2018 khan Dublin khawpuia Krismas party an neihnaah McGregor nen hian an intawng tih a sawi a. A kawppui nen fa pali nei tawh, McGregor chuan a puhtu hmeichhia nen chuan mipat hmeichhiatna an hmang dun ngei a ni tih sawiin, tihluihna erawh a tel loh thu a sawi.
Thiam loh chantir ni mah se pawisa chawi bak thubuai hranpa siamsak a ni lem lo thung.